صباح السعادة ومن الورد المحمدي قلادة..
((هي كلمات نبحث من خلالها عن أريج تطيب له النفوس وتجتمع عليه القلوب..))
الرجال مالهم شغل.. عندي حچوتين ويه خواتي النسوان والبنات..
فالرجال رحم الله والديكم استريحوا ولا تتدخلون..
خيوه.. لا ترضين ان زوجش أو أخوش يصلي صلاة الفجر في البيت..
قووووميه ووعطيه ثيابه وخليه يجي المسجد.. تره صلاة الفجر في المسجد جميييله بشكل مو طبيعي..
تدرين لو انش تنجحين في المهمة (وأنا متأكد انش بتنجحين)، فبتشوفين حتى علاقته فيش بتتغير، وهذا شي أكيد، لأن صلاة الفجر جماعة في المسجد تطيب القلوب وتريح النفوس..
تره هالرجال ما يعرفون لهم إلا النسوان، فلا تستهينين بقدراتش الخارقة..
شغلي المهارااااات وخلينا نشوف عراد كل فجر المساجد فيها متروووسه.. تره تقدرييين، وما عليش منه إدا سوه روحه معصب ومطنگر.. قولي له: قوم قوم المسجد واترك عنك حركات الرجال..
تره ووووالله تقدرين..
عجيييب الصراحة لو كل فجرية الطرق متروسه والكل يحمد الله ويسبحه في طريقه للمسجد.. روووووعه..
الله يوعدنا يارب، ونشوف البحرين كل فجرية مثل (عصرية 9 مارس 2012م).. تره الله يستاهل..
الرجال.. راااوا نسوانكم هادي التصبيحة، مو تخشونهااا عنهم!!
صباحكم جماااال..
السيد محمد علي العلوي
2 صفر 1435 هجرية
6 ديسمبر 2013 ميلادية