صباح القوة والنشاط يا عراااااد..
((هي كلمات نبحث من خلالها عن أريج تطيب له النفوس وتجتمع عليه القلوب..))
يقال: فلنتخذ المعصومين (عليهم السلام) أسوة..
يجاب عليه: أنَّا لنا ذلك؟ هذا محال محال محال!!
فيقال: فليكن الأصحاب مثل سلمان وعمار لنا قدوة..
فيجاب عليه: هل جننت؟ ومن ذا الذي يتمكن من مجرد الإدعاء بأن في قدرته الوصول إلى تلك المقامات الشامخة؟
فيقال: دعونا نسير على خطى فقهاء الأمة المراجع..
فيجاب عليه: هذا يا (جاهل) فوق طاقاتنا، فالفقهاء المراجع لهم الشأن الخاص الذي لا يقدر عليه مثلي ومثلك!!
(بالبحراني ومالت قهرررر):
انزين وش نسوي يعنيييي؟؟؟
كله ما نقدر.. كله محنا كفو.. كله مافينا شده..
يبه وش رايكم نموووت ونفتك؟؟
وش هالحاله يا جماعة؟؟
حقويه كله نقمع في روحنا ونستصغر أنفسنا؟؟
يا حبيبي اللي وصلوا ما هم أحسن منك ومني ولا أحسن منش ومنها..
القضية يبغي لها ثقه بالنفس وقرار وشغل..
أما سالفة ان ما نقدر وما فينا شده، و وووينا ووووين، فراعي هالحچي خله يقعد في بيته ولا يضيق خلقنا ويكسر عزومنا..
صلاة الفجر جماعة في المسجد.. ما نقدر
صلاة الليل.. ما فينا شدتها
نسامح بعض وما نشيل في قلوبنا.. خوب محنا معصومين..
انزين وتاليتها يعني؟؟
نبغي هببببببه قووووويه ننفض بها هالتراب والخمگان اللي على ظهورنا..
صبااااااحكم عزووووم تبني جباااال..
السيد محمد علي العلوي
8 صفر 1435 هجرية
12 ديسمبر 2013 ميلادية